Eykalutafyritøkurnar AMA og P/F Esmar Simonsen eru farnar í samstarv við FTZ Autodele & Værktøj A/S.
Føroysku eykalutafyritøkurnar AMA í Havn og Esmar Simonsen á Kamsdali eru farnar í samstarv við FTZ Autodele & Værktøj A/S, sum er størsta heilsølan innan eykalutir til bilar í Danmark.
FTZ Autodele & Værktøj A/S er størsta heilsølufyritøkan í Danmark innan eykalutir og amboð til bilar. Fyritøkan hevur 41 deildir í Danmark við meira enn 750 starvsfólkum. Árligi umsetningurin er yvir ein milliard krónur.
Stjórin á FTZ Autodele & Værktøj A/S, Michael Juul Hansen, sigur, at hann væntar at nýggja samstarvið fer at vera til gagn fyri bæði føroysku fyritøkurnar og kundarnar.
Á myndini eru f.v.: Vagnur Johannesen, Menning Geyti, Ragnar P. Joensen frá AMA, Jákup Mikkelsen frá P/F Esmar Simonsen, og Finn Egerholm og Michael Juul Hansen frá FTZ Autodele & Værktøj A/S.
