Mikukvøldið byrjaði súkklukappingin Statoil kring Føroyar við einum prologi, sum var súkklaður í Klaksvík. Ikki óvæntað var tað Rógvi Johansen, sum vann prologin 17 sekund framman fyri Gunnar Dahl-Olsen, sum man metast at vera tann sterkasti av teimum heimligu súkklarunum.
Fyrradagin var 1. etapa so súkklað í Eysturoynni.
Teinurin var góðar 100 kilometrar, sum byrjaðu við Statoil-støðini við Streymin og endaðu við Statoil-støðina í Saltangará.
Á teininum var millum annað súkklað um bæði Eiðisskarð og Gøtueiði.
Bert eitt sekund
á muni
Endaspurturin á fyrstu etapu gjørdist rættiliga spennandi. Teir báðir fremstu súkklararnir frá prologinum, Gunnar Dahl-Olsen og Rógvi Johansen, fylgdust ímóti málstrikuni, men í endaspurtinum var Gunnar tann drúgvari og vann við einum sekundi.
Hetta førdi onga stórliga broyting við sær í samlaðu støðuni.
