Í kvøld, sunnukvøldið, varð Henrik prinsur innlagdur á Ríkissjúkrahúsið. Tað sigur samskiftisstjórin í Kongahúsinum, Lene Balleby, í tíðindaskrivi.
Kongahúsið upplýsir, at Henrik prinsur, sum hevur verið í Sharm El Sheik í Egyptalandi síðani 4. januar, varð innlagdur á sjúkrahúsi í Egyptalandi fyri nøkrum døgum síðani. Hann er nú komin aftur til Danmarkar, soleiðis at hann kann verða gjølla kannaður á Ríkissjúkrahúsinum. Kongahúsið greiðir ikki nærri frá orsøkini til, at Henrik prinsur er innlagdur.
Í september í fjør upplýsti Kongahúsið, at Henrik prinsur hevur minnissvinn.
