Montenegro megnaði ikki at gera nakað við norsku stórfavorittarnar í HM-fjórðingsfinaluni í Westfalenhalle í Dortmund í Týsklandi.
Noreg vann stórsigur 32-23 á Montenegro. Í steðginum var Noreg greitt á odda 19-11.
Stórleikarin, Henny Reistad var toppskjútti hjá Noreg við níggju málum. Durdina Jaukovic var við átta málum toppskjútti hjá Montenegro.
Í hálvfinaluni møtir Noreg antin Niðurlondum ella Ungarn. Tey spæla hálvfinalu í Rotterdam í morgin klokkan 17.
Fyrr í dag vann Týskland 30-23 (17-11) á Brasil, og tær møta antin Fraklandi ella Danmark í hálvfinaluni.
Frakland og Danmark spæla fjórðingsfinalu í Rotterdam í annaðkvøld klokkan 20.
