– Tað sum í byggivinnuni verður rópt "avhending", var veruleiki í dag. Tað eru júst 10 ár síðan tær fyrstu krónurnar vóru settar á fíggjarætlan - til tess at fáa hesa verkætlanina til veruleika. Svimjihøllina í Bylgjuni.
Soleiðis skrivar Tórbjørn Jacobsen, borgarstjóri í Runavík á Facebook í kvøld.
Hann sigur, at nógvir meiri og minni avbjóðandi stíggjar eru gingnir hesi árini, men nú røkist fyri, at stutt er eftir á mál.
– Nakrir snøklar skulu fáast í lag, so er løtan komin fram hartil, at tað fer at bera til at svimja í einari svimjihøll í Runavík. Ein meiri enn 60 ára gamal dreymur gerst veruleiki, skrivar hann.
– Tað verður í hesum árinum at alment hátíðarhald verður, og svimjihøllin verður latin upp fyri almennari svimjing. Vit báðir Kjartan skrivaðu undir í dag, og eg loyvi mær at siga, at Runavíkar kommuna er serstakliga væl nøgd við arbeiðið hjá Kanjon, skrivar borgarstjórin í Runavík, sum samstundis upplýsir, at meiri frættist ein av fyrstu døgunum um, nær ið ein hátíðarløta verður fyri svimjihøllini.
Borgarstjórin leggur afturat, at fleiri av undirveitarum Kanjons vóru í høllini í dag, táið skrivað varð undir.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
