Tað var framúr avrik, sum 16 ára gamli Høgni Egilstoft Nielsen vísti í dag, tá ið hann staðfesti, at hann í hesi FM kappingini fyri einstaklingar var sera sannførandi FM vinnari.
Høgni Egilstoft Nielsen vann ímóti Martini Poulsen, sum inntil í dag var argasti kappingarneytin hjá honum. Harvið vann Høgni sum tann fyrsti nakrantíð FM við fullum stigatali. Høgni er yngsti FM vinnarin nakrantíð. 29.apríl verður hann 17 ár.
Helgi Dam Ziska var frammanundan yngsti FM vinnarin. Hann var 17 ár, tá ið hann í 2008 varð meistari.
Í 2014 kappingini, sum seinastu vikuna hevur verið í Skúlanum við Ósánna í Klaksvík, har Klaksvíkar Talvfelag var fyrimyndarligur vertur, luttóku fýra fyrrverandi meistarar: Rani Nolsøe (1997), Hans Kristian Simonsen (2002), Martin Poulsen (2003, 2004, 2006 og 2009) og Rógvi Egilstoft Nielsen (2012).
Tríggir teir fremstu fingu ognarsteyp, sum vóru latin av Norðoya Sparikassa.
Mynd: talvtos: Frá vinstru: Hans Kristian Simonsen (3), Høgni Egilstoft Nielsen (1) og Rógvi Egilstoft Nielsen (2)
9. umfar
Margar B. Berg-Rani Baldursson ½ - ½
Rógvi Egilstoft Nielsen-Hans Kristian Simonsen 1-0
Høgni Egilstoft Nielsen-Martin Poulsen 1-0
Heiðrikur T. Jacobsen-Tummas Martin Sólsker ½ - ½
Ólavur Simonsen 0-1
Endaliga støðan
Høgni Egilstoft Nielsen 9 stig
Rógvi Egilstoft Nielsen 7 stig
Martin Poulsen 6 stig
Hans Kristian Simonsen 6 stig
Ólavur Simonsen 5 stig
Rani Nolsøe 4 stig
Tummas Martin Sólsker 2 ½ stig
Heiðrikur T. Jacobsen 2 ½ stig
Rani Baldursson 2 stig
Margar M. Berg 1 stig
