Føroyingauppgerð var í bestu íslendsku hondbóltsdeildini hjá kvinnum seinnapartin ígjár.
Liðið hjá Natasju Hammer, Haukar tóku í Hafnarfirði móti liðnum hjá Ingibjørg Olsen, ÍBV.
Tað vóru Ingibjørg og liðfelagarnir, ið fóru við øllum aftaná ein 24-23 sigur. ÍBV var á odda 16-11 í steðginum.
Tá tveir minuttir vóru Haukar bert eitt mál aftanfyri, og støðan var 22-23. Men tá eydnaðist ÍBV at koma uppá 24-22 áðrenn Haukar skoraðu seinasta málið.
Natasja Hammer skoraði trý mál fyri Haukar. Ingibjørg Olsen skoraði fýra mál fyri ÍBV.
Støðan
| Nr. | Lið: | Dystir | V | J | T | Málmunur | Stig |
| 1 | Valur | 5 | 5 | 0 | 0 | 147:111 | 10 |
| 2 | Stjarnan | 5 | 4 | 0 | 1 | 143:111 | 8 |
| 3 | Fram | 5 | 3 | 0 | 2 | 132:111 | 6 |
| 4 | ÍBV | 5 | 3 | 0 | 2 | 131:123 | 6 |
| 5 | KA/Þór | 5 | 2 | 0 | 3 | 120:132 | 4 |
| 6 | Haukar | 5 | 1 | 0 | 4 | 126:141 | 2 |
| 7 | Selfoss | 5 | 1 | 0 | 4 | 132:148 | 2 |
| 8 | HK | 5 | 1 | 0 | 4 | 111:165 | 2 |
