Í nátt hevur innbrot verið á sjúklingahotellinm Tórshavn í Keypmannahavn. Tjóvar hava verið inni í nátt og teir eru farnir heit inn á uppihaldsstovuna, har teir hava stolið sjónvarpið og eitt radiotól.
Ein bússa, sum stóð í matstovuni at koyra kaffipengar í, er eisini brotin upp og tømd.
Ongin varnaðist innbrotstjóvarnir, sum sostatt sluppu avstað í øllum góðum.
Sjúkrarøktarfrøðingur er á vakt á hotellinum um náttina, men hon hevur tilkallivakt frá klokkan 23 á kvøldi til 7 á morgni og situr sostatt ikki uppi alla náttina.
Hjá monngum sjúklingum og avvarðandi hevur tað verið fastur og týðandi táttur í gerandisdegnum at hittast í uppihaldsstovuni at lurta eftir radio og hyggja at sjónvarpi, men tað verður nú av ongum, í hvussu so er fyribils.
Innbrotið verður nú meldað, men vánirnar um, at nakað spyrst burtur úr, eru helst ómetaliga lítlar.
Hotel Tórshavn húsast í fimtu fimtu hædd og einum parti av sættu hædd í einum stórum húsi við lyft ímillum hæddirnar. Har er nógv annað virksemi í húsinum, so tað ber ikki til at læsa hotellið um næturnar.
Hotellinum siga tey, at hetta er ikki fyrstu ferð, at tey eru fyri innbroti, tí tað er hent av og á.
