Kringvarpið skrivar, at klaksvíkingurin kom fyrstur á mál við tíðini 32.37,93 minuttir. Nógvi hitin gjørdi kappingina sera taktiska, men við einum framúr endaspurti tryggjaði Julian sær gullið. Seinasti kilometurin varð runnin upp á 2.41 minuttir, og hann vann góð trý sekund framman fyri næstfremsta rennaran.
Føroyingar vóru eisini væl umboðaðir longri niðri á úrslitalistanum. Ragnar Rasmussen úr Bragdinum gjørdist nummar fýra við 33.14,36 minuttum, meðan Neli Heldarskarð, eisini úr Bragdinum, endaði á fimta plássi við 34.03,71 minuttum.
Úrslitini staðfesta góðu gongdina hjá føroysku langteinarennarunum, og Julian Gregersen kann nú kalla seg danskan meistara á 10.000 metrum.
