Feløgini í Premier League eru farin at venja aftur og væntandi verður byrjað at spæla um miðjan juni. Við hesum koma eisini leysasøgurnar um spælaraskifti og annað til í summar.
The Athletic skrivar, at Liverpool í løtuni arbeiðir upp á eina ætlan, har felagið skal selja tríggjar spælarar, fyri at keypa Timo Werner frá RB Leipzig. Talan skal verða um Xherdan Shaqiri, Harry Wilson og Marko Grujic. Harry Wilson er í løtuni útleigaður til AFC Bournemouth, meðan Marko Grujic er útleigaður til Herta Berlin.
The Athletic skrivar, at Liverpool er til reiðar at bjóða góðar 375 milliónir kórnur fyri toppskjúttan hjá RB Leipzig. Hann verður mettur sum ein spælari, ið kann avloysa á øllum trimum plássunum í fremstu rekkju.
Í løtuni verður arbeitt ímót at byrjar aftur í Premier League 12. juni. Síðani skulu 92 dystir spælast í einum tíðarskeiði upp á sjey vikur. Kappingin verður avgreidd uttan áskoðarar, men fleiri miðlar skriva at arbeitt verður við at gera sjónvarpsavtalur, so øll kunnu síggja dystirnar. Eitt nú at tey, sum hava keypt atgongumerki, sleppa at síggja dystirnar ókeypis í sjónvarpinum.
Tað eru níggju umfør eftir av Premier League. Tó hava Manchester City, Sheffield United, Arsenal og Aston Villa tíggju dystir eftir.
| 1 | Liverpool | 29 | 27 | 1 | 1 | 66:21 | 82 |
| 2 | Man City | 28 | 18 | 3 | 7 | 68:31 | 57 |
| 3 | Leicester | 29 | 16 | 5 | 8 | 58:28 | 53 |
| 4 | Chelsea | 29 | 14 | 6 | 9 | 51:39 | 48 |
| 5 | Man Utd | 29 | 12 | 9 | 8 | 44:30 | 45 |
| 6 | Wolves | 29 | 10 | 13 | 6 | 41:34 | 43 |
| 7 | Sheffield Utd | 28 | 11 | 10 | 7 | 30:25 | 43 |
| 8 | Tottenham | 29 | 11 | 8 | 10 | 47:40 | 41 |
| 9 | Arsenal | 28 | 9 | 13 | 6 | 40:36 | 40 |
| 10 | Burnley | 29 | 11 | 6 | 12 | 34:40 | 39 |
| 11 | Crystal Palace | 29 | 10 | 9 | 10 | 26:32 | 39 |
| 12 | Everton | 29 | 10 | 7 | 12 | 37:46 | 37 |
| 13 | Newcastle | 29 | 9 | 8 | 12 | 25:41 | 35 |
| 14 | Southampton | 29 | 10 | 4 | 15 | 35:52 | 34 |
| 15 | Brighton | 29 | 6 | 11 | 12 | 32:40 | 29 |
| 16 | West Ham | 29 | 7 | 6 | 16 | 35:50 | 27 |
| 17 | Watford | 29 | 6 | 9 | 14 | 27:44 | 27 |
| 18 | Bournemouth | 29 | 7 | 6 | 16 | 29:47 | 27 |
| 19 | Aston Villa | 28 | 7 | 4 | 17 | 34:56 | 25 |
| 20 | Norwich | 29 | 5 | 6 | 18 | 25:52 | 21 |
