Heindrikur greivi, sum er sonur Joakim prins og Mariu, skal konfirmerast á Kristi Himmalsferðardegi 18. mai í París.
Tað sæst í tíðindaskrivi frá kongshúsinum.
Konfirmatiónin verður í Frederikskirken – donsku kirkjuni í París.
Sambært Lars Hovbakke Sørensen, sum er lektari á professiónsháskúlanum Absalon og viðmerkjari í kongshúsmálum, sigur, at hetta bendir á, at familjan hjá Joakim prinsi hevur stórt tilknýti uttanlands.
– Tað sendir boð um, at tann parturin av kongsfamiljuni alsamt meira er á veg burtur frá Danmark. At tey ikki á sama hátt sum áður røkja uppgávur sínar fyri danska kongshúsið í Danmark, sigur hann.
Margreta drotning kann ikki luttaka, tí hon júst er skorin í rygginum og vegna ta endurvenjing, sum hon er í ferð við, upplýsir kongshúsið fyri Ritzau.
Men krúnprinsafamiljan verður við.
– Konfirmatiónin verður klokkan 11 við kongaliga konfessionarisu biskuppi Henrik Wigh-Poulsen saman við Malen Bendsen, sum er prestur í Frederikskirkjuni.
– Síðani verður konfirmatiónin hátíðarhildin privat saman við familju og vinum, skrivar kongshúsið.
Í 2019 flutti Heindrikur til Fraklands saman við foreldrunum, eftir at Joakim prinsur fór undir eina hernaðarútbúgving í Frankaríki.
Síðani fekk Joakim starv sum verjuattaché á donsku sendistovuni í París.
Familjan flytur skjótt til Washington, har Joakim prinsur hevur fingið starv sum verjuídnaðarattaché.
Frederikskirkjan – Danska Kirkjan í París virkar eisini sum savningarstað fyri danir í París og økinum har á leið.
Við konfirmatiónin hjá Heindriki greiva í París verður farið frá siðvenjuni, sum hevur verið í mong ár. Tey bæði elstu børnini hjá krúnprinsaparinum, Christian prinsur og Isabella prinsessa, eru bæði konfirmerað í Fredensborg Sloktskirke.
Somuleiðis Nikolai greivi og Felix greivi, sum eru eldru børnini hjá Joakim.
Heindrikur greivi fyllir 14 ár 4. mari. Hann er føddur á Ríkissjúkrahúsinum í Keypmannahavn og doyptur í Møgeltønder Kirke. Hann er elsta barn hjá Mariu prinsessi og Joakim prinsi.
Parið hevur eisini dótrina, Athenu komtessu, sum er 11 ár.
Fyrr í mánaðinum mátti drotningin eisini geva avboð til krýningina av Charles kongi í Bretlandi 6. mai.
/ritzau/
