Meirilutin í rættarnevndini tekur undir við at skipa Føroyar sum eitt valdømi longu til næsta løgtingsval Í meirilutanum, sum tekur undir við einum valdømi longu til løgtingsvalið um nakrar mánaðir, eru eru Kaj Leo Johannesen, formaður í Sambandsflokkinum, Poul Michelsen úr Fólkaflokkinum, Finnur Helmsdal, Tjóðveldi og Bill Justinussen úr Miðflokkinum.
Minnilutin, Marjus Dam úr Sambandsflokkinum og javnaðartingmenninir og Sverre Midjord og Kristian Magnussen tekur ikki undir við uppskotinum hjá Edmundi Joensen.
Minnilutin ásannar tó, at meiriluti kann verða fyri uppskotinum í Løgtinginum, og mælir tí til, at skipanin við einum valdømi ikki kemur í gildi fyrr enn eftir komandi val, soleiðis sum formenninir í samgonguflokkunum eisini avtalaðu herfyri.
