Vegna stóra áhugan fyri konsertini verður spæld ein eyka Mezzoforte fagnaðar-konsert í Reinsarínum fríggjadagin 14. august kl. 22.30.
”Tit kunnu gleða tykkum til eitt glóðhoytt summarkvøld við íslendskum klassikarum hjá fantastiska bólkinum Mezzoforte” siga tey í bólkinum.
Mezzoforte fekk sítt altjóða gjøgnumbrot í 1983 við lagnum Garden Party, og í Føroyum kenna fólk løgini EG. Blues, High Season, Night Fall, Daybreak, og ja, ein kundi hildið áfram at nevnt meistaraverk omaná meistaraverk.
Brekkufeðgarnir - Hans Petur í Brekkunum og Bastian í Brekkunum - hava enn einaferð savnað sjey fantastiskar groovandi funky tónleikarar, ið heiðra íslendska superbólkinum.
GG!
Hetta kvøldið er eitt gott kvøld at spæla tónleikaløgreglufólk.
Fagnaðarbólkur
Hans Petur í Brekkunum, tenorsax
Bastian Fossá í Brekkunum, bass
Jákup Tórgarð, keyboard
Ari Johannesen, guitar
Rógvi á Rógvu, trummur
James Goodwin, slagverk
Maria Vang Reinert, trombone
Johan Hentze, trompet
Ernst Remmel, trompet
Atgongumerki fáast á atgongumerki.fo
