B36 megnaði ikki at fylgja við NSÍ í endaspurtinum í Formuladeildini, og er nú fimm stig aftanfyri NSÍ nú bara tvey umfør eru eftir at leika.
NSÍ gjørdi av álvara sína skyldu í Gøtu, har teir hølvaðu GÍ av. Onga løtu var ivi um betra liðið, og NSÍ vann dystin trygt 4-0.
Á Sandi var B36 leikliga omaná, men frammanfyri málinum var B71 skarpari. Einliga málið í dystinum átti fyrrverandi B36-arin, Gudmund Nielsen, miðskeiðis í fyrra hálvleiki.
Í yvirtíðini varð brasilski Alex José Dos Santos rikin av vølli hjá B36, eftir at hann setti eina harða takkling á Eirik Poulsen hjá B71.
Á Argjum vann HB sera tættan dyst ímóti AB. Eftir hetta tapið er AB nú endaliga flutt niður í næstbestu deildina. HB legði seg á odda tíðliga í dystinum, men AB megnaði at koma aftur. Men eitt korter fyri leiklok var Andrew á Fløtum fyri aðru ferð á blettinum, og skoraði til endaliga úrslitið.
Í Streymnesi var klassamunur millum EB/Streym og VB/Sumba. Longu í fyrsta álopi skoraði heimaliðið, og hetta setti veruliga gongd á málskjótingina. EB/Streymur vann dystin heili 6-1.
KÍ vann tepran sigur á Skála, har teir við einum máli 13 minuttir fyri leiklok tryggjaðu sær øll trý stigini. Málið skeyt miðvallarin, Kristian á Lakjuni.
Hagtøl frá dagsins umfari í Formuladeildini:
B71 ? B36 1-0 (1-0)
1-0: Gudmund Nielsen
AB ? HB 1-2 (1-1)
0-1: Andrew av Fløtum
1-1: Johan Ellingsgaard
1-2: Andrew av Fløtum
EB/Streymur ? VB/Sumba 6-1 (3-0)
1-0: Arnbjørn Hansen
2-0: Hans Pauli Samuelsen
3-0: Hans Pauli Samuelsen
4-0: Arnbjørn Hansen
4-1: Dimitrij Jankovic
5-1: Sorin Anghel
6-1: Bárður Olsen
GÍ ? NSÍ 0-4 (0-3)
0-1: Christian Høgni Jacobsen
0-2: Christian Høgni Jacobsen
0-3: Bogi Løkin
0-4: Óli Hansen (br.)
Skála ? KÍ 0-1 (0-0)
0-1: Kristian á Lakjuni
Støðan eftir 25 umfør:
NSÍ 57 stig
B36 52 stig
EB/Streymur 48 stig
HB 45 stig
GÍ 32 stig
KÍ 31 stig
Skála 31 stig
B71 29 stig
AB 17 stig
VB/Sumba 11 stig
26. umfar
sunnudagin 21. oktober
NSÍ-VB/Sumba
HB-KÍ
EB/Streymur-B36
AB-B71
GÍ-Skála
