Í kvøld var fyrsti dysturin í 25. umfari í næstbestu deildini. Hann var í Gundadali, har B36 hevði vitjan av NSÍ. Heimaliðið vann 3-2 eftir hálvleiksstøðuna 1-1.
Úrslitið ber við sær, at B36 hevur 27 stig og er á sætta plássi og trý stig frammanfyri NSÍ, sum er á sjeynda plássi.
Tað eru sjey stig aftur til KÍ, sum er á níggjunda plássi og í stórum vanda fyri at flyta niður saman við 07 Vestur.
Heini Sólheim Guttesen legði heimaliðið á odda, tá ið 10 minuttir vóru farnir. Uppleggið átti Emil Hansen. Hetta var fyrsta málið yvirhøvur í vaksnamannafótbólti hjá Heina Sólheim Guttesen.
Miðskeiðis í fyrra hálvleiki javnaði NSÍ. Málskjútti var Kári Hansen, sum fyri fyrstu ferð í ár var málskjútti í 1. deild. Markus Klein Danielsen átti uppleggið.
Miðskeiðis í seinna hálvleiki bríkslaði Rúni Gaardbo fyri brotsspark, sum Markus Hellisdal umsetti til 2-1. Hetta var annað málið hjá Markusi Hellisdal í ár.
Tíggju minuttir seinni gjørdi NSÍ sjálvmál, og í seinasta minutti minkaði Jógvan Højgaard um munin til 3-2. Uppleggið átti Beinir Grønagarð. Hetta var fjórða málið hjá Jógvani Højgaard í 1. deild í ár.
Hinir fýra dystirnar í 25. umfari vera sambært FSF í morgin:
KÍ – ÍF: Áki Leitisstein Hansen kl. 19.30
Víkingur – EB/Streymur: Andras Frederiksberg kl. 19.30
Skála – B71: Høgni Madsen kl. 18.30
07 Vestur – AB: Arthur Højgaard kl. 16.30 – í Sandavági
