Nú verður kappingin hálvrunnin

14. umfar er á skrá hetta vikuskiftið. At fýra feløg longu hava spælt 14 dystir kemst av, at tey fýra, sum í næsta mánað fara at royna seg í Europa, longu hava avgreitt ólavsøkuumfarið. Og so var ein dystur í gjár, tá ið TB við 3-2 heimasigri í jóansøkudystinum á nýggja graslíkinum í Trongisvági lyfti seg fram á sjeynda plássið.

Í dag hava bæði ÍF og B68 møguleika at vinna seg framum aftur TB. B68 eigur heimadyst ímóti tvífalda meistaraliðnum og FM favorittunum úr Klaksvík, og ÍF verður í Sarpugerði partur av grannauppgerð ímóti Víkingi.

HB, sum hevur vunnið fýra tær seinastu ferðirnar, fyrireikar seg at fara vestur í Vágar har 07 Vestur, sum er á fimta plássi, tekur ímóti. B36 fær vitjan av EB/Streymi, sum fyri tveimum vikum síðani vann 2-0 á heimavølli ímóti B68.

Tað er summar, og líkindini at spæla fótbólt vera góð seinnapartin.

Víkingur – ÍF: Alex Troleis kl. 15.00

B68 – KÍ: Petur Reinert kl. 16.00

07 Vestur – HB: Rúni Gaardbo kl. 15.00

B36 – EB/Streymur: Eiler Rasmussen kl. 15.00

Í gjár

TB – AB 3-2 (0-1)

0-1: Ragnar Skála 4.

1-1: Nikolei Johannesen 52.

2-1: Nikolei Johannesen br 73.

3-1: Samudeen Musah 86.

3-2: Brian Jakobsen 96.

Dómari: Jákup Øssursson Mohr

TB: Artur Djurhuus Poulsen – Jens Erik Bruhn, Aron Sørensen (Bartal Einarsson Petersen, 89.), Gilli Rólantsson Sørensen, Ragnar Joensen (Oddmar Nybo Jespersen, 93.) – Salmundur Bech, Markus Thorsberg – John Villi Leo Woldike, Nikolei Johannsen, Olivur Renéson Thomsen (Poul Ingason, 85.) – Samudeen Musah

AB: Rói Zachariasen – Jákup Pauli Breckmann, Dánjal Danielsen, Viktor Helgi Benediktsson, Samuel James Pollard – Bjarni Skála (Bartal S. Petersen, 82.), Santiago Lebus – Rói C. Nielsen (Marius Kryger Lindh, 60.), Ragnar Skála, Teitur D. Olsen (Filip í Liða, 81.) – Brian Jakobsen