Tað er altíð ein ávísur spenningur, tá yvirlitstrolingar skulu gerast - og ikki minst eru hesar spennandi á Føroyabanka.
Sum partur av regluligum kanningum og tilfari til stovnsmetingar ger Havstovan bæði vár-og heyst yvirlitstrolingar, bæði á Føroyagrunninum annars og á Føroyabanka.
Soleiðis verður aftur í ár, tá ætlanin hjá Havstovuni er at fara á Føroyabanka við Jákupi Sverra, tá umleið ein vika er farin av september.
Í ár er eitt sindur øðrvísi enn onnur ár, hvat vitanini um Føroyabanka viðvíkur, tí í ár hava línuskip og útróðrarbátar fingið nakrar vinnuligar fiskidagar á Bankanum.
Onnur ár, meðan Bankin hevur verið stongdur fyri allari vinnuligari veiði, hevur Havstovan loyvt nøkrum útróðrarbátum og línuskipum at gjørt avmarkaðar fiskiroyndir.
##med2##
Bæði um várið og heystið verður eisini skipað fyri serstøkum Føroyabankakvøldum á fiskamatstovuni, Barbaru, í Havn, og soleiðis verður aftur í heyst.
Í ár er ætlanin, at Føroyabankakvøldini á Barbaru verða fríggjakvøldið og leygarkvøldið, ávikavist 16. og 17. september, og longu nú ber til at biðja um pláss á Barbaru.
Hetta er vælumtókt tiltak, ið hevur sín uppruna í einum samstarvi millum Johan Mortensen, íbirtara og John Mikkelsen, matstovuleiðara.
##med3##