- Síðan sitandi bygdaráð í Eiðis kommunu tók við hin 1. januar í ár, hava allir valdu bygdaráðslimirnir møtt til allar bygdaráðsfundirnar.
Soleiðis siga tey í Eiðis kommunu í dag.
- Bygdaráðið hevur havt 15 bygdaráðsfundir hetta tíðarskeiðið, og nógv mál hava verið á skránni.
Borgarstjórin í Eiðis kommunu, Jógvan í Skorini, fegnast um góðu uppmøtingina.
- Tað at allir bygdaráðslimir møta er ógvuliga gott. Hetta vísir, at tey fólkavaldu leggja tíð og orku í arbeiðið sum bygdaráðslimir og taka uppgávuna í størsta álvara, sigur hann.
##med2##
Hann vísir á, at sjálvsagt kunnu ávís, ógvuliga legitim, viðurskiftir gera, at onkur ikki fær møtt, men hetta hevur so ikki gjørt seg galdandi í hesi setuni fyribils.
Í Eiðis kommunu búgva 771 borgarar, og kommunan fevnir um Svínáir, Ljósá og Eiði. Bygdaráðslimirnir eru sjey í tali.
