Sosialurin hevur hitt Petur Asano:
– Eg var eg føddur í Føroyum, men flutti til Japan saman við mammu, tí pápi mín búði har, byrjar Petur Takamasa á Geilini Asano at greiða frá.
Tað var í Tokyo, at Petur sleit sínar barnaskógvar. Men føroyska málið fekk hann meira enn bara í vøggugávu, tí foreldrini vildu, at hann bæði skuldi duga japanska og føroyska málið.
– Vit ferðaðust eisini nógv til Føroyar, serliga summarferiurnar. Eg gekk eisini eitt stutt tíðarskeið í fólkaskúlanum í Føroyum. Tá ið eg var liðugur í fólkaskúlanum í Japan, fluttu vit heim. Tað var í 2016, tá ið eg var 15 ára gamal.
Hann tók níggjunda og tíggjunda flokk í Føroyum. Harafturat hevur hann tikið HF á Glasir.
Í dag heldur Petur, sum arbeiðir hjá Tórshavnar kommunu, fyri tað mesta til hjá foreldrunum í Havn, men hevur kortini adressu úti í Svínoy, har hann vitjar javnan.
Honum dámar væl at syngja og hevur sungið síðani hann gekk í triðja flokki.
– Eg havi sungið í kóri í Japan og syngi nú í kóri í Føroyum. Eg eri trúgvandi persónur, og gangi javnan í Ebenezer.
Fakta:
25 ára gamli Petur Takamasa á Geilini Asano er uppvaksin í Japan og býr í Svínoy. Mamma hansara er úr Svínoy og pápin úr Japan. Petur, sum hevur tikið HF á Glasir, arbeiðir sum arbeiðsmaður hjá Tórshavnar kommunu. Petur sigur seg vera ágrýtnan, lagaligan, treiskan og áhaldandi, tá ið hann verður spurdur um lyndiseyðkenni hansara.
Lesið samrøðuna við Petur Takamasa á Geilini Asano í Sosialinum, sum fæst í leysasølu kring landið. Haldarar kunnu lesa blaðið á www.sos.fo við at logga á við haldaranummarinum.
##med2##
##med3##
##med4##
##med5##
##med6##
