Rógvi Egilstoft Nielsen vann landsliðsbólkin í FM í talvi fyri einstaklingar.
Kappast hevur verið í Skúlanum við Ósánna í Klaksvík seinastu dagarnar, og í dag endaðu kappingarnar í teimum trimum einstaklingabólkunum landsliðsbólkinum, almenna bólkinum og í unglingabólkinum. Tilsamans 29 bólkar vóru við í FM-kappingini hesaferð.
Í landsliðsbólkinum vann Rógvi Egilstoft Nielsen framman fyri Herluf Hansen og Carl Eli Nolsøe Samuelsen. Rógvi Nielsen er sonur ein fyrrverandi føroyameistara í tavli, Torkil Nielsen.
Í almanna bólkinum vann Andrias Danielsen. Jákup Joensen var nummar 2 og Esbern Christiansen nummar 3.
Hjá unglingum gjørdist Rúni Tindskarð Jacobsen føroyameistari. Nummar 2 var Eli W. Finsson, og nummar 3 var Hanna Ólavsdóttir Jacobsen.
Jógvan Skorheim, varaborgarstjóri í Klaksvíkar kommunu, handaði teimum fremstu steypini.
