"Ambivalenti føroyingurin
- heilaflýggjan, heimlongsul og grønakeks".
Vinnan í føroysku framtíðini er heitið á Faroexpo-ráðstevnuni 2011. Ráðstevnan verður hildin í dag - mikudagin 26. oktober frá klokkan 13-16.30 í Løkshøll.
Hesin partur av vinnustevnuni Faroexpo er almennur, og til ber at tekna seg á www.faroexpo.fo
Fimm ymiskir fyrilestrar fara at lýsa høvuðsevnið á hvør sín hátt og út frá ymiskum sjónarhornum.
Fyrilestrahaldarar eru:
Joan Pauli Joensen, professari í siðsøgu, sum fer at tosa um evnið: Vinnan og føroyska útbúgvingarskipanin.
Hans Andrias Sølvará, lektari í søgu, fer at tosa um evnið: Føroyska samfelagið um 30 ár.
Tórbjørn Jacobsen, politikari og havnarmeistari, fer at tosa um evnið: Einar Føroyar uttan fiskivinnu svart hav!
Maibritt Højgaard, sálarfrøðingur, Rambøll Management Attractor, fer á ein øðrvísi hátt at tosa um evnið: Ambivalenti føroyingurin heilaflýggjan, heimlongsul og grønakeks.
John Rajani, stjóri í BankNordik, fer at tosa um evnið: Vakstrarstrategi fyri framtíðar Føroyar.
Til ber at tekna seg til ráðstevnuna á www.faroexpo.fo
