Ræst var millum finalistarnar í kappingini og endaði sum næstbest í bólkinum. Gullstjørnan fór til 2-stjørnaðu Michelin matstovuna, INDDEE Michelin Indian Fine Dining, í Bangkok.
Í fjør vann Ræst heiðurin sum besta vínkort í Danmark í bólkinum fyri miðalstór vínkort. Tann sigurin gav teimum atgongd til altjóða finaluna, har matstovur úr øllum heiminum kappaðust.
– Vit eru sjálvandi sera fegin um viðurkenningina. Vit vunnu ikki heimsmeistaraheitið, men hetta vísir, at vit hava ein vínkjallara í altjóða flokki, sigur Karin Visth, høvuðs sommelier á Ræst.
Star Wine List er ein altjóða vegleiðari og kapping fyri vínkort á matstovum, og dómararnir teljast millum fremstu vínserfrøðingar í heiminum.
##med2##
##med3##
##med4##
