Rói Ellefsen á Skipagøtu og liðfelagarnir í Hallby tóku mikukvøldið móti AMO í dysti í bestu svensku hondbóltsdeildini.
Dysturin í Jönköpings idrottshus endaði við 32-30 sigri til Hallby, ið var á odda 14-13 í steðginum.
Rói skoraði tvey mál upp á seks málroyndir, og hann legði upp til eitt mál (assist).
Hallby er triðfremst í deildini við seks stigum fyri fimm dystir. Malmö er fremst í deildini við átta stigum.
Komandi leygarkvøld klokkan 19 spælir Hallby dyst á útivølli móti Önnered.
