Hvørki Manchester United, Bayern München ella Real Madrid vunnu væntaðu sigrarnar í kvøld í Champions League.
Manchester United gjørdi einki fyri at lyfta seg úr kreppuni, tá ið einki vildi eydnast móti Valencia, ið við meira hepni, kundi gjørt støðuna enn verri fyri enska stórfelagið. Dysturin endaði 0-0
Bayern München komu sum ætlað tíðliga á odda á heimavølli móti Ajax, men niðurlendingarnir stríddu seg aftur og fingu 1-1 við sær til Amsterdam.
Meistararnir seinastu trý árini, Real Madrid, taptu í Moskva móti CSKA. Hvørki Gareth Bale ella Sergio Ramos var við á Real Madrid liðnum, og tað sást at liðið vantaði fólk, ið dugdi at fáa bóltin í netið.
Les eisini: Manchester United kom ikki úr kreppuni móti Valencia
Les eisini: Real Madrid tapti í Moskva
Les eisini: Manchester City vann at enda
Les eisini: Dybala og Juventus saknaðu ikki Ronaldo
Úrslitini frá kvøldsins Champions League dystum:
Hoffenheim 1-2 Manchester City
Juventus 3-0 Young Boys
AEK 2-3 Benfica
Bayern 1-1 Ajax
Lyon 2-2 Shaktar Donetsk
Roma 5-0 Plzen
CSKA Moskva 1-0 Real Madrid
Man. United 0-0 Valencia
