Sambýlið Reynstún er á Glyvursvegi 30 á Argjum og er til fólk við menningartarni og fjølbreki. Í nýggja sambýlinum er pláss fyri 18 fólkum at búgva.
Á skránni verða røður og sangframførsla. Ein góður drekkamuður verður eisini at fáa.
Sirið Stenberg, landsstýriskvinna, fegnast um nýggja sambýlið.
- Tað er gleðiligt, at fólk við menningartarni og fjølbreki fáa ein góðan bústað við góðum umstøðum í gerandisdegnum.
Húsið verður opið fyri almenninginum frá kl. 13.00 til kl. 17.00 hendan dagin.
