Samuel Chukwudi og liðfelagarnir í SV Ried spældu í dag fyrsta heimadystin í bestu eysturríksku fótbóltsdeildini hetta kappingarárið.
Á vitjan á Innviertel Arena leikvøllinum var gamla stórliðið, Rapid Wien.
Dysturin endaði við 2-1 sigri til Rapid.
Útiliðið legði seg á odda longu í áttanda minutti. Frøin var stór, tá eitt korter var eftir av vanligu leiktíðini. Stefan Schwab javnaði til 1-1, men tað gingu bert tríggir minuttir, so hevði Rapid skotið sigursmálið til 2-1.
Ried hevur eitt stig aftaná tveir teir fyrstu dystirnar.
Fyri avrik sítt fekk Samuel frá Sofascore karakterin: 7,0, og frá Soccerstand fekk hann karakterin: 7,4.
Komandi fríggjakvøld klokkan 18.30 spælir SV Ried dyst á útivølli móti LASK.
