KONSERT
Verkið snýr seg um strembanina eftir ungdómi og eydnu, um at pantseta sálini fyri mammon. Hetta er tað klassiska temaið, ið vit eisini kenna frá Goethe: Faust, ið selir sál sína til Mefisto.
Tónaskaldið Stravinsky verður roknaður sum stóri nýskaparin í 20. øld. Hann breyt upp úr nýggjum. Stravinsky var í útlegd í Sveis, tá ið hann skrivaði tónleikin. Hóast hetta, so er verkið á tremur við russiskum fólkatónleiki. Samstundis blandar Stravinsky alheimstónleikin uppí: hann nýtir elementir úr jazz, ragtime, tango, Bach-koralir, pasodoble, wienarvals og marsjtónleiki.
Tað kann tykjast løgið, at Gjáargarður er staðið, har ið hetta verður framført, men verkið er júst skrivað, so til ber at ferðast við tí: Tíðirnar vóru ringar í 1918, fyrri veraldarbardagi leikaði á, so ráðini vóru ring, og nógv skuldi fáast burturúr lítlum.
Aldubáran og Tjóðpallur Føroya, eru farnir í samstarv um hetta tiltak. Hans Tórgarð hevur stjórnað. Tekstin til verkið skrivaði Charles-Ferdinand Ramuz og Dánial Hoydal hevur týtt leikin til føroyskt.
Sjónleikari: Annfinnur Heinesen
Tónleikarar: Anna E. Klett, klarinett. Christina Andersen, fagott. Anders Nyqvist, kornett. Andras Olsen, trombon. Øssur Bæk, violin. Ditlev Damkjær, kontrabass. Rúni K. Mouritsen, slagverk
Framførslan er liður í Summartónum og verður í Gjáargarði leygardagin 1. juli kl. 17.00.
