Í fagrastu líkindum er tað í dag kappróður á eystanstevnu.
Tað er mest sum stilli á Skálafjørðinum, og tí var tað ikki so torført í dag at leggja gentubátarnar í barnaróðrinum, hóast talan var um 16 bátar. Einki gult og einki reytt kort var á lofti.
Eins og á norðoyastevnu so var tað aftur í dag nýggi báturin hjá Havnar Róðrarfelag, Títlingur, sum vann, og aftur í dag var ein bátur hjá Klaksvíkar Róðrarfelag næstfyrst á mál. Tað var Fípan Fagra.
Á norðoyastevnu var munurin millum tveir teir fremstu bátarnar fimm sekund. Í dag var munurin millum teir báðar fremstu bátarnar eitt sekund.
Teir báðir bátarnir úr Vágum – Dúgvan úr Sørvági og Ørnin úr Sandavági – vóru í spennandi kapping um triðja plássið. Tað kappingina vann Dúgvan, sum var nakrar brotpartar av einum sekundi undan Ørnini.
1 Títlingur 02:52.17
2 Fípan Fagra 02:53.18
3 Dúgvan 02:56.12
4 Ørnin 02:56.29
5 Blikur 02:58.32
6 Sílið 02:59.26
7 Sævarmoy 03:00.02
8 Svalan 03:02.06
9 Firildur 03:06.24
10 Beinta 03:07.45
11 Havørnin 03:11.30
12 Havfrúgvin 03:11.44
13 Hulda 03:13.48
14 Ternan 03:16.45
15 Súlan 03:27.32
16 Kollur 03:29.28
