- Vit hava tíbetur bara verið boðsendur tvær ferðir í dag, sigur Gudmundur Jacobsen, brunaumsjónarmaður í sunnaru helvt í Suðuroynni.
23.desember var støðan í sunnaru helvt av Suðuroynni munandi verri, enn hon er í dag.
- Tá vóru vit úti til alt ímillum himmal og jørð. Hoyggjhús fóru, tekjur, vindeygu, neyst. Ja tað mest ótrúliga, fyri at siga sum er, sigur Gudmundur Jacobsen.
Í dag er tó frægari hjá bjargingartænastuni, tí bara tvær ferðir higartil eru tey boðsend.
- Fyrr í morgun fór ein tekja og ein húsaklædningur var undir trýsti fyri løtu síðani. Annars er ikki so nógv í dag, sigur Gudmundur Jacobsen.
