Knút og Kári høvdu ein góðan dag
Ikki óvæntað vann Knút Lützen á hestinum Kára frá Ásbrú bæði fjórðgongdina – V1, og tøltkappingina – T1.
Í V1 skulu hesi gonguløg vísast: Spakuligt tølt, skjótt tølt, trav, fet og lop – og í T1 skal skjótt og spakuligt tølt skal vísast, umframt tølt við ferðøkingum, har riðið verður skjótt eftir langsíðunum og spakuligt eftir stuttsíðunum.
Eisini fleiri onnur reiðfólk fóru heim við fleiri medaljum um hálsin – sí øll úrslit niðast í greinini.
Fýra pør til T2 tøltkapping
Tað var stuttligt at síggja, at ikki færri enn fýra pør høvdu meldað til T2 – ofta er kanska bert eitt ella tvey pør at síggja á breytini til hesa kappingina, har fyrst spakuligt tølt skal vísast, síðani tølt við valfríari ferð og at enda tølt við sløkum teymum – tvs. at reiðfólkið skal klára at halda rossið í tølti uttan at hava teymsamband. Tað er altíð spennandi at síggja, hvussu tað eydnast.
Spennandi fimmgongdin, F1
Tað er eisini spennandi og stuttligt at hyggja eftir fimmgongdini, har rossini umframt fet, trav, tølt og lop – eisini skulu vísa skeið. Skeið er tá rossið ferðast serliga skjótt við paralellum rørslum – og tað sær næstan út, sum tey flúgva, tá nógv ferð er á. Tað ber tó bert til at skeiða skjótt á beinum strekki, og av tí at banin er heldur stuttur, er bert pláss fyri at skeiða einar 60 m. Hesa ferð vóru tvey pør meldað til fimmgongdina.
Nógvir ungdómar við
Av tí at so nógv ung undir 22 ár vóru við til kappingina, høvdu teu sína egnu finalu í V1. Hugaligt at síggja, hvussu tey ungu mennast – og hvussu fleiri børn og ung leggjast afturat hvørt ár.
Úrslit frá kappingini:
Vinnarar, T1
Nr. 1 Knút Lützen og Kári frá Ásbrú
Nr. 2 Ragnheiður Ólafsdóttir Dam og Hugi frá Hrepphólum
Nr. 3 Regin Johannesen og Ósk frá Prestsbakka
Vinnarar, V1
Nr. 1 Knút Lützen og Kári frá Ásbrú
Nr. 2 Rebekka Jansdóttir Simonsen og Dögun frá Kirkjufelli
Nr. 3 Óluva á Lofti og Kopar frá Hrauni
Vinnari, T2
Nr. 1 Ester Dahl á Heygum og Vorboði frá Akurgerði
Nr. 2 Valborg Hallursdóttir Laksáfoss og Hvinur frá Árbæjarhjáleigu II
Nr. 3 Jacklin Durhuus og Amor frá Útnyrðingsstöðum
Vinnarar, F1
Nr. 1 Guðrun Jakobsdóttir Dalsgaard og Klettur frá Bessastöðum
Nr. 2 Valborg Hallursdóttir Laksáfoss og Þórey frá Flagbjarnarholti
Vinnarar, V5
Nr. 1 Óluva á Lofti og Sproti frá Hrauni
Nr. 2 Lív Hilduberg Heinesen og Segull frá Kommu
Nr. 3 Ranja Halsdóttir Djurhuus og Sirkill frá Þorkelshóli 2
Vinnarar, T7
Nr. 1 Óluva á Lofti og Sproti frá Hrauni
Nr. 2 Lív Hilduberg Heinesen og Segull frá Kommu
Nr. 3 Ranja HalsdóttirDjurhuus og Sirkill frá Þorkelshóli 2
Vinnarar, V1, ung
Nr. 1 Ester Dahl á Heygum og Vorboði frá Akurgerði
Nr. 2 Ása Bárðardóttir og Strákur frá Marknagili
Nr. 3 Guðrun Jakobsdóttir Dalsgaard og Brynjar frá Snartarstöðum II
Vinnarar av Røktartallerkinum gjørdist Ragnheiður Ólafsdóttir Dam, og Samreiðsteypið van Knút Lützen.
