Fríggjadagin fer USA at kunngera umfatandi revsitiltøk móti Russlandi í kjalarvørrinum av deyða Aleksej Navalnyj.
Hetta verður upplýst úr Hvítu Húsunum, og her um okkara leiðir ber eitt nú norska Dagbladet hesi tíðindi í kvøld.
Sagt, at revsitiltøkini eru amerikanska svarið upp á, at russiski andstøðingurin, Aleksej Navalnyj, herfyri varð funnin deyður í russiskari fangalegu.
Hann gjørdist bert 47 ára gamal.
Viðhaldsfólk hjá andstøðinginum og einkjan, Julia Navalnaja, halda upp á, at Aleksej Navalnyj varð tikin av døgum í fangaleguni.
Tey siga, at hetta varð gjørt við nervaeitrinum novitsjok eftir boðum frá forseta landsins, Vladimir Putin.
