VÍF vann sannførandi á Kyndli í Vestmanna

Fyrsti av trimum dystum millum VÍF og Kyndil í FTZ-deildini innan níggju dagar var leiktur í kvøld.

VÍF vann sannførandi 33-26 sigur á Kyndli í Vestmanna, og hálaði seg uppum Kyndil á stigatalvuni. Í steðginum var VÍF á odda 17-14.

Sjúrður Olsen gjørdist toppskjútti hjá VÍF við 11 málum. Filip Jojic skoraði níggju mál fyri VÍF. Toppskjútti hjá Kyndli gjørdist Bartal Klein Olsen við átta málum. 

Týsdagin 27. mars og 31. mars tekur Kyndil ímóti VÍF í stórhøllini á Hálsi í Havn.