Seinastu mánaðirnar hava føroyingar fingið blaðið V borið ókeypis heim. Blaðið hevur seinastu tíðina verið vikublað, men hesa vikuna verður einki V borið út til føroyingar. Útgávan er fyribils steðgað.
Rógvi Róin, sum er stjóri í Mess Media, ið gevur V út, váttar, at øll starvsfólkini á V eru søgd úr starvi. Seks fólk vóru í fulltíðarstarvi á V umframt tveir freelancarar.
Mess Media er nú í samráðingum við aðrar partar um samstarv, so at V kann koma útaftur.
