Amerikanski varaforsetin, J.D. Vance, hevur sett kósina móti Ungarn, og hetta hendir fáar dagar fyri valið, har lagnan hjá forsætisráðharra landsins, Viktor Orbans, skal standa sína roynd.
- Bæði amerikanski forsetin, Donald Trump og varaforseti landsins, J.D. Vance, hava víst sín stuðul til forsætisráðharran í Ungarn, skrivar Verdens Gang.
J.D. Vance skal eisini halda eina røðu á einum valtiltaki fyri sitandi forsætisráðharra landsins, Viktor Orban, sum annars ikki er serliga væl lýddur í ES.
Sambært Hvítu Húsunum fer røðan hjá varaforsetanum at snúgva seg um samstarvið millum USA og Ungarn, og fyri røðu sína fer J.D. Vance eisini at hava ein tíðindafund.
Meiningakanningar í Ungarn hava í fleiri mánaðir víst, at Viktor Orbans, sum hevur verið forsætisráðharri landsins síðan 2010, kann tapa valið, sum verður sunnudagin.
Viktor Orbans var eisini forsætisráðharri í Ungarn árini 1998 til 2002.
