Kjartan Johansen og liðfelagarnir í Vendsyssel spældu í dag dyst á heimavølli í næstbestu donsku hondbóltsdeildini.
Í Vendsyssel Idrætscenter eydnaðist tað Vendsyssel at vinna 33-27 á TIK Taastrup. Vendsyssel var á odda 16-12 í steðginum.
Kjartan var við seks málum næstbesti málskjúttin hjá heimaliðnum.
Talan var um triðja sigurin á rað hjá Vendsyssel, ið er nummar sjey í deildini við átta stigum fyri sjey dystir.
Komandi leygardag klokkan 14 verður føroyingauppgerð. Tá taka Leivur Mortensen, Jónas G. Djurhuus og liðfelagarnir í HC Keypmannahavn móti Vendsyssel á heimavølli.
