Fyrsti dysturin í 3. umfari í nýggju venjarakappingini var í Gundadali í kvøld. B36 vann 3-1 á Víkingi í myrkrinum á Ovara vølli.
Nýggi áleyparin hjá árstalsfelagnum, Brian Jakobsen, skoraði fyrsta málið. Síðani javnaði Víkingur við málið, sum Heðin Hansen skoraði.
Miðskeiðis í seinna hálvleiki legði Alex Mellemgaard B36 á odda 2-1 við beinleiðis frísparki. Seinni økti ungi høgri bakkurin, Andreas Thomsen, til 3-1. Hetta eftir gott uppspæl í høgru síðu. Móti dystarenda fekk Víkingur brotsspark, men innskifti málverjin hjá B36, Sámal Johannesen, bjargaði skotinum.
Í morgin verða hinir fýra dystirnir í 3. umfari í VFF-Cup.
VFF-Cup 3. umfar:
B36 - Víkingur 3-1
1-0 Brian Jakobsen
1-1 Heðin Hansen
2-1 Alex Mellemgaard
3-1 Andreas Thomsen
Leygardagin:
HB – NSÍ (11.00)
ÍF – KÍ (11.00)
EB/Streymur – TB (13.00)
AB – Skála (13.00)
