Føroyar brúka meiri olju enn nakrantíð. Tað vísir ein uppgerð hjá Hagstovuni yvir elframleiðsluna í Føroyum.
Tað merkir, at tað gongur ongan veg at leggja um til grøna orku. Uppgerðin hjá Hagstovuni vísir, at hesi seinastu 30 árini síðani 1990. Er elframleiðslan í Føroyum næstan tvífaldað og í fjør vórðu 406.803 MW av streymi gjørd í Føroyum.
Tølini vísa eisini, at enn sum áður er oljan tað stóra álitið. Í fjør vórðu 61,3 prosent av streyminum gjørd úr olju og í 1990 vórðu 64,3 prosent av streyminum gjørd úr olju. Í fjør vórðu 26,6 prosent av streyminum gjørd úr vatni og fyri 30 árum síðani, í 1990, vórðu 35,7 prosent av streyminum gjørd úr vatni.
##med2##
Fyrsta árið, vit fingu vindorku, var í 2003, og tá vóru 1,2 prosent av streyminum úr vindorku, men í fjør vórðu 11,6 prosent av streyminum gjørd úr vindi. Í fjør varð eisini ein evarska lítil partur, eilla eitt hálvt prosent, gjørt úr øðrum orkukeldum, eitt nú er eitt lítið sólorkuverk í Sumba.
