BILAR
Magnus Gunnarsson
?????????????????????
Avgerðin um at framleiða ein lítlan, bíligan og haldgóðan bil bleiv tikin í 1945, og í 1946 var prototypan, Saab 92001, veruleiki. Árið eftir blivu tríggir næstan eins bilar gjørdir, tó við smærri i broytingum. Í desember 1949 byrjar framleiðslan av álvara, tá Saab 92 við 2 syl. 2-takt motori, verða settir í framleiðslu. Fyrsta árið vórðu framleiddir 1.246 bilar, sum allir vóru grønir. Í 1955 kemur Saab 93 við 3 syl. 2-takt motori við 33 hk, og í 1960 kemur Saab 96 við 38 hk. Saab 95 og 96 fáa í 1967 ein Ford V4 motor við 65 hk.
Genaral Motors eigur Saab
Ein heilt nýggjur Saab 99 kemur á marknaðin í 1968 við 1.7 litur motori frá ensku Triumph bilaveksmiðjuni. Í 1978 kemur Saab 900, ið var ein Saab 99 við longri aksulfrástøðu. Saab komu við luksus bilinum, Saab 9000, í 1984. Í 1989 keyptu General Motors helmingin av partabrøvunum í fyritøkuni, Saab Automoblies AB.
Ein heilt nýggjur Saab 900 við Opel Vectra undirvogni kom á marknaðin í 1994. Í dag eitur tann bilurin Saab 9-3 meðan tann størri eitur Saab 9-5. Nú er tað General Motors sum eigur Saab.
Ganga undan við trygd
Svensku bilarnir hava altíð gingið undan viðvíkjandi aktivari og passivari trygd í bilunum. Saab vóru til dømis fyrstir við diogonalt deildari 2-kreds bremsuskipan, langt áðrenn tað var vanligt í øðrum bilum. Eisini hava svenskarar verið fyrstir við rullutrygdarbeltum, varma í setrunum, trygdar loftbetrekki, viskarum á lyktunum, trygdarbjálkar inni í hurðunum, varmatráðir í bakrútinum og koyriljós.
