Víkingur vann í kvøld 3-0 á Dungasandi í Sørvági ímóti 07 Vestur, sum hevur kós ímóti niðurflyting.
Sigurin ber við sær, at Víkingur er á fimta plássi við 32 stigum. Tað er eitt stig fram til ÍF, og tað eru tíggju stig aftur til EB/Streym.
Tveir minuttir undan steðginum legði Jákup Martin Jarnskor víkingarnar á odda 1-0. Hetta var sjeynda málið hjá Jákupi Martin í ár.
Vanliga tíðin í fyrra hálvleiki var farin og reiðiliga tað, tá ið Bergur Gregersen økti um leiðsluna til 2-0. Bergur royndi seg við brotssparki, sum Sámal á Steig hálvbjargaði, og so setti Bergur bóltin í málið. Hetta var fyrsta málið í ár hjá Bergi, sum størsta partin av árinum hevur sitið uttanfyri við brotnum beini.
Bergur kom ikki aftur á vøllin eftir steðgin. Tað man vera, tí hann í annaðkvøld verður partur av hópinum hjá Víkingi, sum í bestu deildini fer at spæla á Toftum.
3-0 málið skoraði Fríði Gertsson Jarnskor í 59. minutti. 17 ára gamli Fríði Gertsson Jarnsko hevur nú skorað sjey mál í næstbestu deildini í ár.
Næsti dystur hjá Víkingi verður 14. september á heimavølli ímóti AB.
Næsti dystur hjá 07 Vestur verður 13. september á útivølli ímóti B36.
