Hetta kappingarárið spælir Kjartan Johansen við Vendsyssel í næstbestu donsku hondbóltsdeildini.
Vendsyssel spældi leygardagin fyrsta kappingardystin á útivølli móti Norddjurs.
Norddjurs vann dystin 33-31. Í steðginum vóru tað tó Kjartan og liðfelagarnir, ið vóru á odda 16-14. Men tað gekk verri í seinna hálvleiki, ið Vendsyssel tapti 15-19, og harvið dystin 31-33.
Kjartan var næstbesti málskjúttin hjá Vendsyssel við sjey málum. Daniel Holmen var toppskjútti við átta málum.
Komandi fríggjakvøld hevur Vendsyssel dyst á heimavølli móti HC Midtjyllandi.
