ES-nevndin hevur í dag góðkent ein fíggjarpakka á 6,1 milliardir evrur til Ukraina. Peningurin skal brúkast til loftverju, rakettir, lóður og radarskipanir.
ES-nevndin upplýsir, at hesin seinasti pakkin kemur aftrat stuðli á 16 milliardir evrur, sum áður er játtaður til keyp av hernaðarútgerð.
- Av hesum eru 8,35 milliardir evrur higartil goldnar Ukraina, veit tíðindastovan, NTB, at siga.
ES-nevndin sigur, at samstundis, sum Russland herðir síni álop á Ukraina, veksa vit um stuðulin, soleiðis at Ukraina kann verja sínar borgarar og sítt loftrúm.
- ES stendur øksl móti øksl við Ukraina og fer at veita landinum tað, sum tørvur er á, sigur ES-nevndarforkvinnan, Ursula von der Leyen.
