Jóhan á Plógv Hansen og liðfelagarnir í Skanderborg-Aarhus er úti av EHF European League.
Í seinnu áttandapartsfinaluni í Flensburg megnaðu Jóhan og liðfelagarnir javnleik 33-33 móti Flensburg-Handewitt, ið var liðið hjá Jóhan millum 2022 og 2025. Í steðginum var heimaliðið á odda 16-13.
Flensburg-Handewitt vann tó 38-32 (18-15) í tí fyrra dystinum, og vann tí ein samlaðan 71-65 sigur.
Jóhan skoraði trý mál upp á fimm málroyndir.
Skanderborg-Aarhus kann nú fokusera fult upp á ovara endaspælið í bestu donsku hondbóltsdeildini.
Komandi sunnudag klokkan 17 er dystur á heimavølli móti Mors á skránni í bólki 2.
