Sambært norska miðlinum VG eru nógv, sum ikki sleppa inn á Facebook á teldu. Roynir tú at fara inn á facebook.com, koma eini boð um, at kontoin fyribils ikki er tøk.
Norska tænastan Downdetector, sum skrásetir trupulleikar við nettænastum, hevur fingið nógvar fráboðanir frá brúkarum um feil á Facebook.
VG skrivar, at Facebook kortini tykist at rigga á fartelefonum hjá fleiri brúkarum, meðan trupulleikarnir serliga raka tey, sum brúka tænastuna á teldu.
Higartil hevur eigarin Meta ikki alment sagt, hvat er orsøkin til trupulleikarnar ella nær teir verða loystir.
##med2##
