Hallur Hansson var aftur at síggja á liðnum hjá KR frá dystarbyrjan í kvøld, og fekk 80 minuttir á vøllinum, tá hann og liðfelagarnir vunnu stórsigur 4-0 á botnliðnum, ÍBV í heimadysti í bestu íslendsku fótbóltsdeildini.
Stóra hetjan hjá KR var Atli Sigurjónsson, ið skoraði reint hattrick fyri KR í kvøld.
KR 4 - 0 ÍBV
1-0 Sigurður Bjartur Hallsson ('9)
2-0 Atli Sigurjónsson ('37)
3-0 Atli Sigurjónsson ('53)
4-0 Atli Sigurjónsson ('87)
KR er nummar seks av teimum 12 liðunum í Bestu deildini í Íslandi við 24 stigum. Fimm stig eru upp til triðja plássið, har Víkingur hevur 29 stig. Góðu úrslitini hjá íslendsku liðunum í Evropa í ár fara at føra við sær, at trý tey ovastu liðini og steypavinnarin sleppa at kappast í Evropa komandi ár.
Gunnar Nielsen vardi í kvøld málið hjá FH, ið var fyri greiðum 0-3 tapi móti KH á heimavølli. Longu í steðginum var KA á odda 2-0.
0-1 Hallgrímur Mar Steingrímsson ('25)
0-2 Nökkvi Þeyr Þórisson ('39, brotsspark)
0-3 Bryan Van Den Bogaert ('83)
FH er í holt við helst tað ringasta kappingarárið í hesari øldini. Teir liggja triðaftast í deildini við 11 stigum, bert eitt stig omanfyri Leiknir sum hevur leikt tveir dystir færri.
Støðan
Nr. | Lið | Dystir | V | J | T | Málmunur | Stig |
1 | Breiðablik | 15 | 12 | 2 | 1 | 41:15 | 38 |
2 | KA | 16 | 9 | 3 | 4 | 31:18 | 30 |
3 | Víkingur R. | 14 | 9 | 2 | 3 | 33:20 | 29 |
4 | Stjarnan | 15 | 6 | 7 | 2 | 28:21 | 25 |
5 | Valur | 15 | 7 | 3 | 5 | 27:24 | 24 |
6 | KR | 16 | 6 | 6 | 4 | 25:23 | 24 |
7 | Keflavík | 15 | 5 | 3 | 7 | 27:28 | 18 |
8 | Fram | 15 | 4 | 6 | 5 | 28:32 | 18 |
9 | ÍBV | 16 | 2 | 6 | 8 | 21:33 | 12 |
10 | FH | 16 | 2 | 5 | 9 | 16:28 | 11 |
11 | Leiknir R. | 14 | 2 | 4 | 8 | 12:26 | 10 |
12 | Akranes | 15 | 1 | 5 | 9 | 14:35 | 8 |