Komandi týskvøld skipa Danmarks Fængsler og Sunda kommuna fyri kunnandi fundi um komandi fongslið við Áir.
Í sambandi við, at tilgongdin við nýggja fongslinum við Áir gongur væl, at lendisviðurskiftini við jarðareigarnar eru komin upp á pláss, og umsóknin um at broyta byggisamtyktina fyri ætlaða økið er latin kommununi, skipa Danmarks Fængsler og Sunda kommuna fyri einum kunnandi fundi í Leguhúsinum í Nesvík týskvøldið 16. juni kl. 19:30.
Umboð frá Danmarks Fængsler og Sunda kommunu leggja fram um verkætlanina, og hvat tað merkir fyri nærumhvørvið, at eitt komandi fongsul verður staðsett í kommununi. Høvið verður at seta spurningar til verkætlanina.
Aftaná fundin verður drekkamuður at fáa. Fundurin er almennur, og øll áhugað eru hjartaliga vælkomin, skrivar Sunda kommuna á sunda.fo.
