Allir evropiskir hermenn, sum eru útsettir í Ukraina, verða eitt lógligt mál hjá russisku hermonnunum.
Tað sigur russiski uttanríkisráðharrin, Sergei Lavrov, í eini fráboðan til almennu tíðindastovuna Tass, skrivar tíðindastovan Reuters sunnudagin.
Yvirlýsingin kemur í eini tíð, har samráðingar eru um eina friðarætlan fyri Ukraina.
Ukraina boðaði fyrr í desember frá, at tað var sinnað at gevast við sínum ætlanum um at gerast limur í NATO í staðin fyri vesturlendskar trygdarváttanir í eini friðaravtalu.
Í hesum sambandi komu fráboðanir um, at USA í staðin hevði bjóðað Ukraina trygdarváttan, sum skuldi vera í stíl við grein fimm hjá NATO, eisini nevnd Musketereiðurin.
Tað inniber, at eitt álop á eitt sameint land skal metast sum eitt álop á allar øll sameind lond.
Russiski forsetin, Vladimir Putin, hevur eins og Lavrov sett seg ímóti hermonnum úr NATO-londum í Ukraina.
Í fráboðanini í dag ákærdi russiski uttanríkisráðharrin eisini evropiskar politikarar fyri at vera drivnir av tí, sum hann kallar ætlan teirra í sambandi við ukrainsku stjórnina.
Hann heldur, at teir samstundis síggja yvir bæði ukrainska fólkið og sítt egna fólk í Evropa.
Sambært Reuters hevði russiski uttanríkisráðharrin ikki prógv fyri síni ákæru. Tað er heldur ikki greitt, hvørjar ætlanir hann sipar til.
Sunnudagin skal ukrainski forsetin, Volodymyr Zelenskij, á fund við amerikanska forsetan, Donald Trump, í amerikanska statinum Florida.
Fundurin fer væntandi at snúgva seg um eina nýggja ætlan í 20 punktum, sum skal frysta kríggið í Ukraina á verandi hermóti.
Russland hevur áður ákært Ukraina og evropeisku stuðlarnar fyri at royna at "torpedera" eina fyrri ætlan, sum USA hevði lagt fram.
Funnist varð at teirr ætlanini fyri at vera sera nógv í tráð við russisk áhugamál og at vera óhóskandi fyri Ukraina.
/Ritzau/
