Í kvøld spældu Pætur Mikkjalsson, Pauli Mittún og liðfelagarnir í Team Sydhavsøerne dyst á útivølli móti HC Midtjyllandi í næstbestu donsku hondbóltsdeildini.
HC Midtjylland vann dystin 32-29. Í fyrra hálvleiki vóru Pætur, Pauli og liðfelagarnir greitt omaná, og í steðginum vóru suðuroyggjamenn á odda 17-12. Men í seinna hálvleiki gekk av skriðuni. HC Midtjylland vann seinna hálvleik 20-12, og harvið dystin 32-29.
Pauli skoraði fimm mál, og Pætur skoraði fýra mál í fyrsta dystinum hetta kappingarárið.
Sunnudagin 7. september hevur Team Sydhavsøerne heimadyst móti Lemvig-Thyborøn.
