Partabrævið í danska orkuriasnum Ørsted varð handlað 16 prosent lægri gjøgnum dagin enn tá virðisbrævamarknaðurin stongdi fríggjadagin.
Hetta kemst helst av, at felagið leygarkvøldið boðaði frá, at tað hevur fingið boð um at steðga arbeiðinum á havvindmyllulundini Revolution Wind, sum er bygd út fyri amerikansku eysturstrondini.
Amerikanska innanríkisráðið hevur gjøgnum sína havorkustýring (BOEM) álagt framleiðslusteðg.
Óvist er, hvussu og nær arbeiðið fer at kunna byrja aftur. Ørsted er í samskifti við myndugleikarnar um at fáa byggingina í gongd aftur sum skjótast.
Revolution Wind er sett saman av 65 sjóvindmyllum út fyri statinum Rhode Island.
/Ritzau/
