Einki av teimum størru ísfiskalínuskipunum er til fiskiskap í løtuni, men tað eru fleiri frystilínuskip ístaðin.
Tað vita tey á Fiskamarknaði Føroya at siga í dag.
- Trý frystilínuskip eru undir Føroyum, og sjey antin eru ella eru á veg yvir á Flemish Kap.
Sagt verður um línuskipini sum heild, at tey fáa mest av toski, hýsu, longu og brosmu.
Streymurin verður brúkiligur, men veðrið verður helst ivasamt fyrst í vikuni, men betri seinni í vikuni.
Vænntandi verður nakað av útróðri í næstu viku.
Fleiri bátar eru á Føroyabanka, og fleiri fara at selja mánadagin.
- Útróðrarbátar hava brúkiligan fiskiskap í løtuni, siga tey á Fiskamarknaði Føroya í dag.
