Løgreglan hevur svarað einum knívi í eini synagogu í enska býnum Manchester. Tvey fólk eru deyð orsakað av hendingini.
Tann mistonkti er skotin og dripin.
Tað sigur løgreglan í Greater Manchester Police í eini fráboðan sambært Reuters og BBC.
Sambært vitnum á staðnum koyrdi ein bilur inn í ein hóp av fólki uttan fyri synagoguna hjá hebraisku samkomuni í Heaton Park.
Tilsamans fýra fólk fingu skaða í hendingini.
Tey vórðu ávikavist stungin og rakt.
Løgreglan fekk fráboðanina stutt eftir klokkan 9:30.
- Skot vórðu latin av løgreglufólki í Greater Manchester klokkan 9:38. Ein maður er skotin, hann verður hildin at vera gerningsmaðurin.
- Sjúkrabilar komu á staðið klokkan 09.41 og eru í ferð við at viðgera borgarar - í løtuni eru fýra borgarar við skaðum bæði av bilinum og knívsárum, stendur í fráboðanini frá løgregluni í Manchester.
Borgarstjórin í Manchester, Andy Burnham, sigur við BBC-útvarpið í Manchester, at hann hevur fingið at vita, at beinleiðis vandin tykist at vera av.
- Fyrst og fremst vil eg siga við fólk, sum lurta: Sleppið tykkum undan hasum økinum - hetta er ein álvarslig hending.
- Men samstundis kann eg í ein ávísan mun vissa tykkum um, at beinleiðis vandin tykist at vera farin framvið, og løgreglan í Greater Manchester handlaði tað sera skjótt, sigur borgarstjórin við BBC Radio Manchester.
Hendingin hevur verið samstundis sum Yom Kippur, sum er týdningarmesta høgtíð í jødadóminum.
Bretski forsætisráðharrin, Keir Starmer, er í Keypmannahavn í dag í sambandi við ES-toppfundin í danska høvuðsstaðnum, men fer skjótt heimaftur vegna álopið í Manchester, skrivar BBC.
Í eini fráboðan sigur Starmer, at hann er djúpt skelkaður av tí, sum er hent.
- At tað hendi á Yom Kippur, sum er tann heilagasti dagurin í jødiska kalendaranum, ger tað enn meira ræðuligt.
- Mínir tankar fara út til familjurnar hjá øllum teimum raktu, og mín tøkk fer út til neyðhjálpartænastuna og øll, sum hjálptu, segði Starmer.
Forsætisráðharrin segði eisini, sambært Reuters, at eyka løgregla verður sett í synagogur um alt Bretland eftir álopið í Manchester.
##med2##
/Ritzau/
